be wajah ghosla mat banaya karo

jab basane ka man me na ho hausla 
be wajah ghosla mat banaya karo 
agr utha na sako tum gire phool ko 
is tarah daaliya mat hilaya karo 

wo samundar nahi tha the aansu mere 
jinme tum tairte aur nahate rahe 
ek hum the ke aankho ki is jheel me 
bas kinare pe dubki lagate rahe 

macchliyan sab jhulas jayengi jheel ki 
apna poora badan mat dubaya karo 
jab basane ka man me na ho hausla 
be wajah ghonsla mat banaya kro 

wo hume kya sambhalenge is bheed me 
jinse apna dupatta sambhalta nahi
kaise man ko main kah du sukomal hai ye 
phool ko dekhkar bhi machalta nahi 

jinke deewar o dar hai bane mom ke 
unke ghar me na deepak jalaya karo 
jab basane ka man me na ho hausla 
be wajah ghosla mat banaya karo 

in patango ko dekho ye udti yahan 
jab katengi to jane girengi kahan 
bahti nadiyo ko khud bhi pata hi nahi 
apne priyatam se jane milengi kahan 

jenke hontho pe na tum hansi rakh sako 
unki aankho me aansu na laya karo 
jab basane ka man me na ho hausla 
be wajah ghosla mat banaya karo 

prem ko dhaai akshar ka ye kaise kahe 
prem sagar se gaehra hai aasmaan se bada 
prem hota hai dikhta nahi hai magar 
prem ki hi dhuri par ye jag hai khada 

pre ke is nagar me jo anjaan ho 
usko rahte galat mat bataya karo 
jab basane ka man me na ho hausla 
be wajah ghosla mat banaya karo